Yaadon ke sailabon me doob jana yaad hai, Choti choti baaton ka sunna sunana yaad hai, Patjhad me bhi lagta tha mausam baharon ka, tumhare intzar me waqt bitana yaad hai..!!
Thakti nahi thin aankhen dekh dekh rasta, Naye bahane banake der se tumhara aana yaad hai, khushboo me hawa ki dhondhna tumhari mehek, Barish ki boondon me apne aasoon milna yaad hai..!!
Kabhi saath baithe baithe yuhin waqt bita dena, Kabhi meri har baat pe tumhara muskarana yaad hai, Kabhi bin bataye tumhara sab kuch keh dena, Kabhi keh ke bhi baat chupana yaad hai..!!
Kuch sunna chahte the hum tumse, Par tumhara na keh pana yaad hai, A
bhi to mile bhi nahi the raste hamare, Yun ek mod pe rahon ka mud jana yaad hai..!!
Chaha tha ek kahani bane hamari, Magar panno ka achanak bikhar jana yaad hai,
Kahani na sahi afsana to ban gaya, Is afsane ka har ek fasana yaad hai..!!
Luv,
Manish
