Oct 07, 2006 03:24 PM
4200 Views
(Updated Oct 07, 2006 03:29 PM)
Aaj ma ki tabiyet aachi nahi hai. To school nai gaye aur papa bhi office nai gaye. Kal to achi thi, Fir raat ko ekdum se bhukar aa gaya, aur subah to bahut thakaan ho rahi thi ma ko. To papa ne docter se baat ki, vo bole viral hai, to ma bister mein leti aaraam kar rahi hai subah se.
Maine ek baat dekhi hai. Jab ma ki tabiyet kharab ho jati hai to papa ekdum se badal jaate hai. Vo ma ka bahut khayal rakhate hai. Vaise to kabhi kitchen mein nai jhakate par, aaj to unhone sara kaam kar liya, paani bhi bhar diya. Aur chai bhi bana di ma ke liye. Vaise to unko aacha nai lagata ma ka chai peena, vo to nai peete aur ma ko bhi bolate rehete hai ki itni mat piya ar. Par jab tabiyet kharab hoti hai ma ki, to khud hi bana dete hai. Papa office mein bhi jate hai roj, aur kabhi chutti nai karate, apni tabiyet thodi kharaab ho to bhi, par meri ya ma ki agar tabiyet kharab ho to ruk jate hai.
Fir ma ke haath paav dukh rahe the to unhone dabae, maine bhi dabae, sar bhi dabaya. Paas vali aunty bhi aayi, unhone aaj ka khana bhija diya aur bola hai ki raat ka bhi bana ke de dengi.
To dosti keval dosto tak nai hoti hai. Mere mummy papa ki bhi hai dosti - vo dono bhi dost hai. Dost to vohi hota hai na jo jaroorat pe madad kare aur kaam aaye. To fir mere ma aur papa bhi to dost hue. Maine dekha hai har baar jab dono mein se kisi ki tabiyet aachi nai hoti, ya fir meri tabiyat kharab hoti hai, to ekdum se mahual hi badal jata hai. Fir koi datata nai kisi ko aur sab madad karate hai. Fir aapko jo pasand hota hai, uska poora khayal rakahte hai aur jab tak poore theek nai ho jate tab tak aisa he rehata hai.
Maine ek gana suna tha mujhe bahut acha laga.
*'Anjani raho mein tu kya dhoondt firae,
arre door jisko samjha vo to paar hai tere.
Pyar hai khuda, pyar hai khushi, pyar hai khushi,
pyar se hai dono jahaa,
tera yeh aashiyana, mera bhi aashiyana,
ho ho,
To fir, Anjani raaho mein tu kya dhoondata firae,
arre door jisko samajha vo to paas hai tere'*
hona bhi aisa hi chahiye. Sabko ek doosare se mil jul ke aur par se rehana chahiye. Doosaro ki madad karane se dil ko bhi aacha lagata hai aur jab koi aapki mada karata hai to aapko bhi aacha lagata hai. Aise he sabko rehana chahoiye mil jul ke.
haha, mujhe pata hai ki jab ma ki tabiyat aachi ho jaege to papa fir bolenge ki chai kam piya kar, par abhi to khud he banenge jab tak tabiyat aachi nai hoti ma ki.
Ab mai bhi ja raha hu ma ke paar baithane thodi daer.
Sabko khoob sa pyar aur tata.
