Rab ne bana di flop story!!!. Review on Rab Ne Bana Di Jodi

Rab ne bana di jodi ke sath woh hua hai jo aaj tak kisi bhi Aaditya-Shahrukh movie ke saath nahi hua tha.Film ke lambe lambe promo dekh kar toh lag raha tha ki yeh ek behtareen film hogi magar film dekhne ke baad har galatfehmi se parda uth gaya....Kya soch ke gaya tha aur kya nikla...Iss film ko dekhne ke baad toh bas yeh hi kehna chaahta hoon ki...Naam bade aur darshan chote...Aur...Khoda pahaad aur nikli chuhiya...Maine iss film ka "First day-first show" dekhne ki galti ki magar achcha hua ki aapne aisa nahi kiya...Chaliya film ka haal aapke saamne pesh karta hoon... Story: Iss film mein bas yahi ek cheez thi jo samajh hi nahi aayi..Story ke naam pe film mein kuch tha hi nahi....Phir bhi Film mein mein ek aam aadmi ki bhoomika nibhaayi hai, Shahrukh Khan ne....Anushka Sharma ki yeh pehli film hai aur unki acting achchi hai.... Performance: Shahrukh Khan ki acting toh laajawaab hai magar ek baat samjh mein nahi aayi ki ek superstar ne aisi film sign hi kyun ki.Jahan tak Anushka Sharma ki baat hai toh jaisa ki maine kaha ki pehli film hone ke naate unki acting kaafi achchi hai. Anushka Sharma kaafi kuch POOJA BHATT jaisi lagti hai.Yeh baat unke favour mein hai nahi yeh toh waqt hi bataayega.

Film mein ek aur character hai "Bobby" ka jise nibhaaya hai Khosla Ka Ghosla fame "Vinay Pathak" ne.Unki acting toh achchi hai hi. Choreography: Shiamak Davar aur Vaibhavi merchant is film ke choreographers hain. Unse bhi mujhe yeh umeed nahi thi. Kisi bhi gaane mein unka asar dikha hi nahi...Isse zyaada kehne k liye mere paas na toh shabd hain aur na hi waqt... Music: Sirf do gaane achche the..Haule-Haule aur Dance pe chance..mujhe toh laga tha ki in done gaano par taaliyan padengi magar ek bhi taali toh door...sab ko lag raha tha ki kab gaana khatam ho aur film ki story aage badhe..."Hum hai raahi pyar ke-phir milenge-chalte chalte" Iss gaane mein Kajol, Rani Mukherji, Lara Dutta, Preity Zinta ne Special appearance kiya hai magar is gaane ko aap sunna toh kya dekhna bhi nahi chaahenge.."Tujh mein rab dikhta hai" gaana sunne mein kaafi achca hai.. Best Scene: Best scene woh hota hai jismein Anushka bike chalaati hui nazar aati hain..Iss film mein yahi woh scene tha jispe taaliyan padi..Overall: Samajh mein nahi aata ki kya kahoon??? Aadiya Chopra se yeh ummeed nahi thi... Unhone “Dilwaale Dulhaniya le jaayenge”aur “Mohabbatein” jaisi hit film di thi unko kya ssojha ki unhone aisi film banaayi.Film pata nahi kis ko pasand aayegi? Families ko ya friends ko? Aakhir mein yahi kahunga ki ab iss film ko flop hone se sirf RAB hi bacha sakta hai...Shivam