Nov 24, 2006 05:11 PM
3063 Views
Aabhi aaye hai Dhoom 2 dekh ke. Dosto ke saath gaya tha. Aaj school nai gaye, first show jane vale the par ticket nai mile. Bahut daer tak line mein khada rehana pada , fir agale show ke ticket mile. Par jitni mehanat ki ticket ke liye, utna maza to nai aaya.
Hritik Chor hai, techno chor, stylish chor, haha, unko dekh ke chor ka seena chauda ho jaega garv se ! Vo tarah tarah ke stunt karke chori karate hai aur har baar poilice ki aankho mein dhool jhok ke bhag jaate hai. Abhshek police vale hai. Bas Dono ke beech luka chupi chalti rehati hai, hero-heroine mein pyar bhi chalta rehata hai, beech mein ut-patang aur boring gaane hai, aur kuch bahut hi aache stunts hai, par kahani mein itna dum nai hai. Vo lachar hai.
Picture bahut aachi ban sakati thi par kanani bahut hi kamzoor hai, theek thak bhi nai bol sakate. Par kishto mein beech beech mein aache scene hai, Hritik ke dance dekh lo, picture mein bahut paisa lagaya hai, vo bhi saaf dikhata hai, Sab logo ne kaam bhi aacha kiya hai, Hritik aur Asihwarya ko jyada role mila hai, Abhishe aur Bipasha ko itna bada nai mila , fir bhi sabne aacha hi kaam kiya hai, par agar kahani achi likate to aacha hota..
Aur kya bolo, log to bahut aa rahe hai dekhane film ko, log ceetee bhi baja rahe the gaane aur stunts mein, to lagata hai ki logo ko to bahut pasand aa rahi hai. Mujhe bhi aachi lagi, kharaab to nai hai, par jitna socha tha utni aachi bhi nai hai..
+ive -> acting, dance, stunts, camera.
- ive - > kahani, climax aur direction, gaane bahut hi sade hai ek ko chor kar, aur editing bhi, kyoki bina vajah gaane thoos diye hai.
Kul mila ke, jaise meri naani kehati hai ki 'andho mein kana bhi raja hota hai',To aabhi jo picture aai hai aur jo aane vali hai, unse mukabala karne ke laayak to hai hi Dhoom2, To dekh sakate ho aap. Advance booking kara lena, nai to Ticket nai milenge, Picture itni aachi opening ke layaak to nai hai, par log to bahut aa rahe hai, isliye booking karana hi theek hai.
Sabko Khoob sara pyar aur tata.
Snehil 'urf' gattu
