## Copmaritive Study of Devdas (Novel & Films) ##. Review on Devdas - New

*Note- Review Hindi mai likha gaya hai.(Kuch paathak warg ko yeh mushkil se digest hoga) P

Bengali Novel mai Sharat Chandra ka wohi sthan hai jo ki Bangali Kavita mai Guru Dev Tagore ka hai.Unke novels Shrikant, Sheshprashan, Grihdah bahut acche hain pranto jis novel ke karan woh jagar prasid hain woh nirsandeh ‘’Devdas’’ hai. Is novel pai 8 baar films ban chuki hain.First time Naresh ji Mitra, second time in 1935 P.C. Barua ne Hindi aur Bengali mai ek saath banai.Bangla film mai P.C.Barua ne khud bhumika nibhai aur Hindi version mai K.L.Sehgal ne.

Then after 20 years in 1955 Bimal Roy ne isko film ka roop dia aur yeh Sharat Chadra ka na hokar Bimal ka ban gaya.Isme theSahir ke Najam numa geet, Rajinder Singh Bedi ke sawand(dialouges), S.D. Burman ka sangeet. Par iski aseenm success ka credit gaya Dilip Kumar ko. Is role ko nibhate hue Dilip Sahib bahut preshan rehte the. Kisi ke poochne par unhone kaha tha

, ’’ Bhai mere kandhe do hain par swar hone waale teen hain – Shart Chandra, Barua Sahib aur K.L.Sehgal. Yeh Chinta mai rehna hi hua.

Iske ulat 2002 mai release hone waali chamk damak se bharpoor aur very costly Sanjay Leela Bhansali ki Devdas ke bare mai Shobha Day ke shabad hain

, ’’ Sach toh yeh ki yeh Bhansali ka Devdas hai, aapka nahi. Iska us shahkaar novel se koi sabandh nahi hai. Yeh ek legendary premkatha ka behrahmi se qatal kia gaya hai.

Plot & Characters – Teen Badkismat, teeno ka aapas mai be intha Pyar, par teeno pyar se mehroom.Teeno apne dukhant ko alag alag seh rahe hain- who bhi bina koi khas shika shikayat kiye hue. Devdas aur Paaro ka bachpan ka pyar kudrat ko manjoor naa tha so parvaan na chad saka. Paaro ki ek ameer budhe aadmi ke saath shaadi ho jaati hai. Devdas ruth kar apne dost chunni babu ke paas Calcutta chala jaata hai.Wahan uski mulaqat kothe par gaane waali khubsurat Chadermukhi se hoti hai. Aur Chadermuki Devdas ko Love at First Sight ki tarah pane ko vyakul ho jaati hai. Par jis tarah Paaro Devdas ke liye nahibani, Devdas Chadermukhi ke liye nahi bana.

Devdas yeh jaanta hua bhi ki Chadermukhi uspar apna sab kuch nychavar kar sakti hai, Kotha chhod deti hai lekin woh ek pal ke bhi usko Paaro ka sthan nahi deta hai. Udhar pyar ki khaatir khud chadermukhi bhi kabhi Paaro ka sthan nahi lena chahti hai.

Isme mai kisi bhi character mai Khalnayaki ka aansh matr bhi nahi hai.Yahan tak ki Paaro ke bhude pati mai bhi nahi.Paaro se shadi uski bhi majboori hoti hai. Who bahut pachtata hai, ’’ ‘’Maine yeh accha nahi kiya.’’

Rishton ki paakezgi dekho, Paaro apne mann main Devdas ki pooja karti hai aur uski barbadi par dukhi hoti hai, phir bhi apni Pati ke prati poori sharda rakhti hai.

Devdas ka jo Paaro se shikwon ka yvohaar Paaro ki shaadi ke baad bilkul sanjida ho jaata hai aur yeh kehta hai

, ’’Accha hi hua tu mere saath kabhi khush nahi reh paati.’’

Paaro ki mann hi mann hi dukh hai ki woh Devdas ki daasi banke sewa nahikar saki.Aakhri yaadgaar palon mai Devdaas jab usko milne ke liye chalta hai toh woh Paaro kai aisa hi shabdaon ko yaad karta hua kehta hai, ’’ Agar meri sewa karne se tumhara dukh kam hota hai toh main tere yahan ayongaa, marne se pehle.’’

Isi tarah Chandermukhi ki khushi ka shikhar bhi tabhota hai jab who sharabi Devdas ki ghar lejaaker sew karti hai. Devdas bhi keh uthta hai

, ’’Kabhi Kabhi khyal zarror aata hai ki itni sewa meri Chadermukhi ke siwa aur kaun kar sakta hai.

Upar Upar se muskrane waala, khane peene waala par apna dard ander hi chupane waala is katha ka chotha sabse important charcter hai Chuni lal. Bimol roy ne toh isko Moti lal ka charchter bana kar usko film ki rooh mai utara hai. Pranto Bhansali ne is charchter ko maskhra bana ke pesh kar dia hai.Novel se pata lagta hai ko woh bhi Devdas ki tarah hara hua hai par usne Devdas ke ulat is haar ko deewangi ka roop de dia hai.

Jab Devdas usse poochta hai ki kya tumne kabhi dukh dekha hai toh woh apne sanjida jwab mai sab kuch keh jaata hai

*, ’’Dekha toh hai, Magar yeh sab Zindagi ka muamala hai Hans ke gujaar do ya Ro ke. Apne aap ko khush rakhne ke liye apne saath thoda jhooth bolna hi padta hai.

*Conclusion-

Film- Avoidable,

Novel – Higly Recommended