A poem I wrote for my mother, would lov to share it with you all....
Meri Maa...
Pita ka ghar chod, nai chokhat per jab
dhare honge tarun kadam,
tu sehme hogi kaisse
kya mujhe pata nahi...
Abodh bachpan ke sakhiyaan.
khatti mithi amiya,
chirparichit aangan ke naram garam dhoop,
chod sab peeche..khule keson ko kheenche,
naye jeevan sathi ke soch,
tu sehmi hogi kaisse..
kya mujhe pata nahi...
navjeevan ka sandesh, pulkit man..
har pal khiltee kokh ko sehlaana,
nanhe..nanhee moje buntey,
naye vichar guntey..guntey..
tu sehmi hogi kaise..
kya mujhe pata nahi..
nanhee aankhon mein dekh naye sapney,
adhuri ashayen lagee panapney,
chalna tune sikhlaya,
khud per bharosa dilaya,
meri pahli thoker per,
tu sehmi hogi kaise..
kya mujhe pata nahi...
apney jeevan sangee ka saath bheena..bheena..
mudmust hawa me khuli saans,
dup.dup karti maathe ke lalima..
bhagyavidhata ne jub ye sukh tujh se cheena..
hai! tu sehmi hogi kaisey..
kya mujhe pata nahi...
tu kamjoor nahi,
khiley phoolon ko bhee seechey,
tu wo maalee hai, jo dikhey door shitij per,
wo godhuli nahi o maa..
wo to sirf ek naye uday ke laali hai!
phir bhee..jaane kaisa..kaisa soch ker
sahemtee hai tu jaisey,
kya mujhey pata nahi o maa..
kya mujhe pata nahi....
Neena Wagh