Dishaheen
hoon, main hoon betal
hai vivek mera gumshuda aur vichlit hai man
har katra, har khsan, har kadam, har pal
hai vivek mera gumshuda, jaane kya hoga kal.
Har lafz jaise naya raasta
dag-mag si hai spandhan
kaise pighlau is vichlan ka aaina?
Har soch kahe --"shayad kal"??
Ek roshni si aayi un anjaan raahon se
sar-saraake, par sar uthake, saahas ki lau, tu jal!
Na chaahu duniya ki raunak
na ishwar tujhsi shakti ..
Bas kuch armaan hai dafan se, karne ko abhivyakti!
Hoon samarth, hoon shaktimaan, hoon sashakt, hai abhimaan
kuch himmat, aur kuch taakat, aur poorey honge armaan.
Un armano ke pankhon par, aye mann mere, ab ud chal
hai vivek mera simta, jaanu, kya hoga kal!
Naa jeet saki to kya?
Mere hatthey na hogi haar!
Koshish ke atal teeron se
karungi fitrat par vaar!
Sanskaron ki binaah par hogi ek ladaai
jeet kyu na hogi meri?
Kyu na legi shikast, vidaayi?
Kya jeeta hai wo... Jo haar kar ruk gaya hai?
Ya haara hai wo ... Jisse toofan bhi jhuka hai??
Tod do zanjeerein, ulhaas ki bharo udaan ..
Jise dhoond rahe tum des paraaye,
wo tum me hi hai vidyamaan!!!
