Adhure se panno pe likhi ek kahaani
maathe pe shikan, ankhoon mein paani
har lamha safar dudhaari talwaar ka
Naari teri yehi sampoorna kahaani
apna chod ke sabka dhyaan rakhna
bhaiyaa ke liye apni roti chod dena
kabhi suhag ke liye karti upvaas
bete ke intezaar mein kabhi aankhein sooni
adhure se panno pe likhi ek kahaani
jeevan mein sabko lekar ke chalna
galti koi kare to muaf kar dena
par bhule se tum jo karo koi gunah
kar denge sharm se tumhe pani pani
adhure se panno pe likhi ek kahaani
prem aur saundrya hi tumhara tatva hai
is se alag uthkar nahee koi astitva hai
chhalaao se baahar jeevan ka bhi satva hai
purush ke in bhulaavo mein hai kiski haani
adhure se panno pe likhi ek kahaani
mein hoon purush, tum ho naari
samvedna se huaa mera man bhaari
doshi hoon tumhara O' pran pyaari
jhute ahankaar ki baat maine maani
adhure se panno pe likhi ek kahaani
Raj
The pic is a painting from the classic collection of Shri Raja Ravi Verma
