Jee rahe the hum aise hi,
Na koi kasak thi na gum ka ehsaas tha..
Dil mein bhari thi umang
Aur ek sampoornata ka pravaaas tha…
Fir na jaane kaise
Laga jaise kisi ne mujhe jhakjhor diya
Aaj fir se mujhko mere dil ne mazboor kiya!!
Pareshaan hoon ki yeh kaisi tapish hai
Kuch beete hue lamhon ki yeh kaisi kashish hai
Un haseen yaadon ne mere mann ko marod diya
Na jaane kab, kaise, kismat ne woh mod liya
Aisa nahin ki humein apnon se koi shikayat hai
Jo aaj mere sang hai, yeh kismat ki hi inayat hai
Dil mein yeh jo toofan hai , woh tham jayega
Aur yeh bhi jaanta hoon ki yeh mayoosi ka pal gujar jayega
Fir bhi meri aankhon ko kisi ne sarabor kiya
Dosh mera hi hai ki maine khud ko itna kamzor kiya
Fir bhi jaise purane jakhmon ko kisi ne kured diya
Aaj fir se mujhko mere dil ne mazboor kiya..