Dhire-dhire is mann,
Upvan ko,
Ban ho jane do,
Upvan ki vyvastha nahi,
To ban mai fhool khilte hai,
Upvan ki kitni ,
Dekhbhal karni padti hai,
Ban ek nishichintta liye,
Ban ki koi,
Dekh-rekh nahi,
Ban ki khasiyat hoti hai,
Uski apni svayam ki,
Ek sugandh hoti hai,
Jo shyad kisi bhi,
Fhool ko prapt nahi hoti,
Uska ek svar hota hai,
Jo kisi pakhi ko,
Prapt nahi hota,
Asanbhavta mai ,
Kitni mohkta hoti hai,
Chalo fir is mann-upvan,
Ko ban kar dete hai.