Kateele shool bhi
dulra rahe hain paawon ko mere
Kahin tum panth par
palke bichaye to nahin baithi
Hawaon me na jane aaj
kyun kuch nami si hai
Dagar ki garmi me bhi
aaj kuch kami si hai
Gagan par badliyaan
lehra rahi hain shyaam aanchal si
Kahin tum naino me
sawan basaye to nahin baithi
Hui kuch baat aisi
phool bhi pheeke pad jaate
Sitare bhi chamak par
aaj to itna na itraate
bahut sharma raha hai
badliyon ki oat me chand
Kahin tum aankhon me
kajal lagaye to nahin baithi.
Gahan andheri hai dagar meri
phir bhi chamakti hai
kahin tum dwaar pe
deepak jalaye to nahin baithi
