Jul 23, 2025 06:47 PM
824 Views
Yaar sach batau to maine "Saiyaara" sirf isliye dekhi kyunki naam bada soulful lag raha tha. Socha hoga ek emotional love story hogi, kuch naya feel hoga.
Lekin film dekhte hi samajh aa gaya sirf naam hi khoobsurat tha, content bilkul khaali tha.
Kahani mein koi depth hi nahi thi. Jo love story dikhani thi, usme na emotional connect tha, na logic. Bas slow scenes, extra slow dialogues, aur bekaar ka drama.
Lead actors ko dekh ke lagta hai unhone script sirf pehle page tak hi padhi thi. Aage kya ho raha hai, unhe bhi nahi pata.
Hero serious banne ki koshish mein boring ho gaya, aur heroine ka har scene ek jaise expression ke saath tha confused aur blank.
Music se umeed thi, kyunki title "Saiyaara" hi kaafi tha feel dene ke liye. but songs bhi bas theek-thaak the, ek bhi aisa gaana nahi jo yaad rahe.
Aur climax. matlab kya hi batau. Lagta hai writer ko jaldi thi film khatam karne ki. Ek dum rushed, aur unsatisfying.
-
🧠 Mera Verdict:
"Agar aap dil se koi emotional, deep love story dekhna chahte ho to yeh movie skip kar do. Time bachao, aur kisi purani classic love story ko dobara dekh lo."
"Saiyaara sirf ek acha naam tha film nahi." 😶
