Chand ke rath pe Sawar, sapno ko byah kar, arzu palki mai le jaane ko besabr hai……

Tammanao ka sagar bhi aaj apne pure chand ko dekhkar machal raha hai….

Par aaj ye waqt ki hawaye kyu tammanao ki lehro se takra rahi hai…

Ufff..ye dil bhi bebaak ho chala hai, nadan hai hawaoon se takrane ka khauff kho chukka hai….

Hawaon ki angdaiyan yu ched kar chali gayi, sapno ki palki ko apne sath uda karTammanao ko bikher kar chali gayi…..

Aaj kitni banjar ho chali hai ehason ki ye zamin,Kiski kami se aaj aankhon mai nami bi nai hai….

Kyu waqt ke dariya mai sapne, arzu, tamannaye aur ehsaas kho jaate hain…

Aur bas ek prashna chinha us banjar zamin mai choor jaate hai..????

Chali ja rahi hai ek zindagi boondon mai lipti hui…
Bekhabar si anjaan si is duniya ke riwazon se…
Apne chehre par boondon ki athkheliyan mehsoos karti hui…
Aur apni nam ankhon se sapne mitati hui…
Bhid mai bhi tanha hai…bas boondon ka sath hai….
“Boondein” hmmm boondein hi hain…jo jivan bhar sath hai..aaj khush hai megh se mil kar…
kab tak ankhon mai chupaiye rehti is bhavar ko…..bekhabar hai duniya is bhavar se…..
tut si gayi hai … gagan bhi kab tak baras ke sath dega…
abhi khisitij durr hai bahut chalna hai tujhe aye zindagi….Megh dastak hamesha nai deti…
Uth…. khadi ho ja…. Apne sapno ko ki takat ban…Aur chal pad is rah par……
bahut sath milenge…Bahut bichdenge ….. par yaad rakh aanntt to akele hi hai… AANNTT to AKELE HI HAI…!!!!!!!!

Aisa to kam hi hota hai….. mai roti hun tera dil sunta hai…

Boodain aankhon se batain karti hai, lafz juban se ankhen churate hain…

Tere zulmon ki inteha badhti hi jaati hai…Mere sehne ki seema kam hoti jaati hai…

Teri har aahat mera dil sunta hai… par tu kyu meri aahat se bekhabar rehta hai…

Kyu mujhe aisa lagta hai…. Mere rehne ka tujhe fark nai padta hai…

Sach hi hai shayad…

Beete palon mai jhaku to darr lagta hai…. Kahin bhulawa na ho jaye , ki aaj bhi tu mujhe dhudta hai…

Meelo mai apne pairon ko tere pairon ke nishanpar rakhti chali aayi hun….

Ab tera raasta badla hua sa lagta hai….

Wapas kaisay jaun , waqt ki lehron ne beete pairon ke nishan bhi mita diye hain..

Aage dhund mai tu khoya sa lagta hai…

Hath pakad lo mera, le chalo apne sath mujhe..

Ye anjan hawayin hai, ye anjaan raasta hai…

Ye panchi bhi apne se nahi lagte hain…

Ruko…. Thero….Yu bebas na choro mujhe….

Le chalo… ab le bhi chalo….

Kya ye athkheliyan hain teri, mujhe satane ki…

Haan athkheliyan hi lagti hai…. Ab ankhon ko sukun de bhi do…. Wapas aa bhi jao… Le chalo

Waqt Shayad aage badh gaya sa lagta hai… par kyu ab bhi mujhe kuch purana sa lagta hai….

Ye raah kinare laga paudha ab darakht ban chao dene laga hai…

Kuch yaad nahi hai… kya mai kahin aur hun…. ??

Kya ye dhund hai ya dhundla dikhne laga hai…??

Par teri khusboo ab bhi mai ankhen band karke mehsus kar sakti hun…

Har jagah teri parchayi si dikhti hai…

Par aaj dil kyu dhadak raha hai mera … kyu ye sab soch rahi hun mai…

Fir aisa laga teri parchayi dikhi mujhe…Kuch Anjaan chehro ke bich ….

Rukoooooo……..!!!! kya tum hi ho… mujhe lene aaye ho….

Haan Haan tum ho…Aankhen ab sath nahi deti…

Le chalo…. Aise anjano se mat dekho…

Jab choda tha mujhe tumne, waisi hi hun… ye jagah wahi hai...

Meri ankhon mai aaj bhi tum apne aap ko dekh sakte ho….

Yakin tha mujhe … ab pal bhar bhi na intezaar karwaungi….

Thero ….Kahan gaye…fir se na muh modo… AB LE BHI CHALO…..AB LE BHI CHALO…

Astitva hi bachana bhul gaye hum is rang birangi duniya mai..
Chaha tha maine sath kabhi aur sath hi mujhse choot chala..
Chaha tha maine pyaar kabhi who hi begano sa nikla..
Apne astitva ki keemat mai maine apni chahaton ko chaha tha…
Aur Har chahat aasq bankar palko ko bhigo kar chali gayi..
Shayad keemat kam thi meri, ya chahatain najaayaz thi..
Koi mujhko mulya bata de meri chahaton ka Koi mujko raasta dikha de boondon ki tarah bikhre astitva ko sametne ka..
Har rang mai lipti hui ab berang si dikhne lagi hu..
Janne kab aisi barish hogi jo ye rang mita ke jayegi…
Par duniya ne hi ye rang diye hai mujhe ..to aaj koi mud kar kyu nai dekhta hai ….
Ab jakar jana hai…dusron ke rang mai ranga hi galti thi meri…
Wo waqt kahan se laun jab koi rang na chadha tha mujhpar..Hmm...Par Waqt bhi rehta nai kisi ke liye thera..iski adat bhi aadmi si hai

Tute hue Patte ki tarah bikhra hun……
Sab kehte hai Shunyaa se milna hi jivan ka uddeshya hai……
To kyu yu hawa angdai lekar muje apne sath le jaati hai…
mujhe mere uddeshya se bhatkati hai….
To kyu kabhi mai dusro ke kadmon ke niche kuchla jaata hun….
To kyu mai anjana sa kabhi gumnami mai kho jaata hun…
Kyu mujhe rokti hai mere shunya se milne ko ye duniya……
Kya sach mai shunya hi uddeshya hai…ya kuch aur hai…..??
Kyu jeer aha hun mai bina in prashno ke uttar ke…
Thak chukka hun kadmon ke neeche kuchalte kuchalte….
Thak chukka hu gumnami se…
Kyu dil pe bojh hai ki wajood nahi hai mera is duniya mai…..
Shayad apne prashnon ke uttar paakar hi mai apne aap ko samet kar apni shab ko gale laga saku….Par kaun dega mere prashnon ke uttar….?????
Apna astitva bachane ke liye khud hi uttar dhundna hai aur kisi ek din apni shab go gale lagakar Shunya se mil jana hai….!!!!!!