Mujhe yaad hai woh tera intezaar
Waqt jo bahut susst tha
Ik andheri sadak kai kinare
jalti bujhti roshniyon ki chamak
Ik veeran se sannate mien
jalti bujhti umeedon ka shor
Mujhe yaad hai woh raat ki khamoshi
Mujhe yaad hai woh koshish
keh kiss tarha to waqt kate
Kalam ko uttha kar
ik tasveer banana
khayalon ke rang bhar ke
koi khwab sajana
Mujhe yaad hai woh dil ka dard
Mujhe yaad hai woh ankhon ke assun
Aaj bhi woh sama hai
woh tanhai hai
aur ik khauff
ki kahin uss raat ki kahani
zindagi ki dastaan na ban jaye